要克服床戲！吳嘉儀孭飛做女一嗌挑戰大

無綫藝人吳嘉儀演技向來唔錯，出身自演藝學院戲劇系的她最近再有機會孭飛出演舞台劇，擔正做女一。該劇將於本周五至周日在沙田大會堂公演，吳嘉儀說：「今次係我演藝學院畢業後，第一次演出職業舞台劇，戲份相當集中，故事圍繞一男一女喺小屋發生嘅事，古仔幾懸疑吓，而演出座談會部分嘉賓係曾經教過我嘅圈中前輩，好緊張呀！」她直言今次挑戰甚大，要放下形象克服床戲及食煙飲酒情節：「當然舞台上煙同酒唔係真嘅，係經過特別道具處理。」