明嫁初戀男友　李依琳定居美國唔急生B

「扒女」李依琳（Elaine）與拍拖四年的外籍男友Stephen Luk於明天（7日）拉埋天窗，兩人日前穿上西式及中西婚紗拍攝婚照，他們互為對方挑選婚紗禮服，默契滿分。

「已經有一個小朋友」

Elaine表示婚禮會中西合璧，由於她在外國長大，所以對傳統儀式不太清楚，坦言最近才學了很多中式習俗。Stephen一直在美國居住及做醫生，直至近月才返港，故婚禮都交由Elaine負責，她自言大感壓力及緊張。而婚後，Elaine會跟隨Stephen定居美國，問到會否即時造人？她望住對方笑言：「我已經有一個小朋友，哈哈！唔會咁快生，我哋唔急，遲啲先。」

男友扮忍者求婚

Elaine透露他們早於16歲便相識及拍拖，是大家的初戀情人，後來兩人分別到不同地方留學令感情無疾而終，分開11年後再度相戀，Elaine笑言：「我好難相信人，但佢追咗我11年，所以我最後選擇相信佢。我媽咪向來對佢評價好高，記得16歲嘅時候，佢幫我吹乾頭髮，媽咪見到，佢話咁好嘅，到依家Stephen都有幫我吹頭。」Stephen自言期間跟其他女生拍拖，也經常想起Elaine，Elaine大爆：「佢一直將我嘅相片放喺佢嘅銀包，搞到佢當時女友好嬲，佢話又同女友因為咁而鬧交，我叫佢拎走我張相，佢真係傻㗎！」除了有永不放棄的精神，Stephen亦非常有心思，他打扮成Elaine喜歡的忍者向她求婚，而訂婚戒指亦由他所設計，戒指內刻有「TWINFLAMES」，意思是靈魂伴侶。

場地及服裝：BALLROOM一站式婚紗公司