點叫媚娘？荷里活拍全英文「武則天」電影

近日中港兩地都有唔少有關中國史上唯一女皇帝「武則天」嘅影視作品，好似范冰冰主演嘅《武媚娘傳奇》就成為話題作，前年更被美國製作公司睇中拍成美劇。事隔幾年，近日又有傳有電影公司打算將「武則天」嘅故事拍成電影，仲搵埋憑《手足情未了》（Rain Man）獲奧斯卡原創劇本獎嘅Ronald Bass執筆寫劇本，唔知佢會唔會煲內地宮廷劇搵靈感？

據悉電影由Metan Global Entertainment和ENTree Pictures聯合出品，改篇自Evelyn McCune嘅《武則天》小說，講述武則天如何衝破阻礙登位，電影不但採用英文對白，更會邀請美籍華裔演員出演，中國演員有望客串！荷里活近年先後有華裔影視作品大收，似乎有望見到更多相關作品。而電影的預計於明年5月開始前期製作，導演與演員未定，有指電影將從西方視角講中國傳統，而武則天將被塑造為聰明又有現代精神的女性，致力尋求公平與突破，似乎好有平權意味。

此外，Ronald Bass亦係1993年荷里活首部華裔演員主演電影《喜福會》嘅編劇，而且曾執筆王穎執導嘅合拍片《雪花秘扇》，對亞裔文化相信有一定認識。