仲未破紀錄！譚詠麟難忘88年宣布唔攞獎

歌手譚詠麟（阿倫）、廣播界前輩李我的太太蕭湘、方健儀、阮兆祥、梁思浩一眾媒體高層及藝人到沙田出席活動，阿倫經歷演藝界逾四十年變遷，直言最懷緬80年代的樂壇頒獎禮，當年自己攞獎攞到手軟，最難忘一刻是88年度宣布不再拎樂壇獎項。

他說：「當年都連續拎咗五年，好多獎。（好多人唔抵得？）有付出架！（一直仲係紀錄呀！）要破紀錄好易啫！依家咁多頒獎禮，每個年代有唔同玩法，但當年係好開心嘅，同藝人、同事、媒體都好似大家庭咁！我都睇住好多人入行同成長，以前何麗全（媒體高層）都係幫我摺波衫咋！」

蕭湘照顧96歲老公李我

現年88歲的蕭湘相當精靈，說話清晰，她透露平日要照顧96歲的老公李我，對方仍頭腦清醒，年初仍為朋友寫詩，但就經常要瞓床，只在吃飯時坐起一小時：「多得老人院照顧，仲有Fans記得佢，會送生果，大家都好Nice！依家我最重要係照顧好自己，多啲運動，如果我早走過佢，咁點算呀？」