內地網劇《將夜》最近正在熱播，更邀請到天王黎明（Leon）、鄭少秋、胡軍等大卡士演員客串演出，而男主角則由一位18歲嘅男新人主演，佢係導演陳凱歌個仔！

雖然Leon戲份唔多，但討論度最高嘅，竟然係Leon於劇入面嘅對白。Leon飾演唐王李仲易，佢不時都用「廢柴」一詞嚟鬧一眾大臣，好多網民都質疑古裝戲竟然會有「廢柴」咁新潮嘅用詞，亦有部分網民話畀佢呢句「廢柴」洗咗腦，每集嘅樂趣變成數吓佢一共講咗幾多次「廢柴」。