戏剧硕士!陈法拉连导演都想捞埋

20181107
东网电视
更多新闻短片
法拉读完硕士愈来愈有气场。
1/4
艺人陈法拉出席第一届“全球大学电影奖”开幕礼,表示自己都是刚刚毕业:“觉得学生好需要机会同支持,畀多啲机会年轻人去创作,我今年都有创作同参展,成个过程真系要好多人帮手,好彩我做演员咁多年识咗好多人,可以搵佢哋帮手,但学生冇任何资源,有奖金可以帮到佢哋,所以想嚟支持佢哋,所有导演都系由零开始,可能佢哋之后会系好叻嘅导演,希望可以尽早嚟认识佢哋。”
问到她喜欢做导演还是演员?她表示:“两样都锺意,enjoy用导演身份同演员沟通,但始终自己专业系做演员,仲有好多嘢想尝试,但如果自导自演再写埋好难兼顾到,一系专心做导演,或者做演员。”工作方面,她表示今个月尾会到内蒙古拍一套独立电影:“好有新鲜感,因为我未去过嗰度,我会演一个内地东北女仔,会讲东北话同去大草原拍。(东北话难学?)因为佢有好多种类,所以要同导演再夹吓,要再花时间摸熟吓。”
佢仲话想做埋导演。
不过就自谦好难同时兼顾拍戏同做导演。
总之叻啦!