歌手張敬軒到電台宣傳新歌《百年樹木》，表示新歌是《櫻花樹下》10周年的完結篇：「因為班底有九成係一樣，故事都好似，想做番首差唔多情懷嘅歌。」他亦表示新碟是向林憶蓮96年的唱片致敬：「因為我好鍾意嗰隻碟嘅編曲周國儀，所以今次我都搵咗佢嚟幫我。」他亦表示新歌MV都有向林憶蓮致敬：「搵咗陳詠燊導演嚟拍，咁啱佢又係憶蓮嘅fans，所以就將《哭》嘅concept擺落去，例如全程都係電車。」問到他為何不自己做埋男主角？他笑言：「吳肇軒做得好咁多，都係『軒』啫，今次導演選角好好，揀咗啲當下好出色嘅新演員。」

他亦透露下一隻碟會轉班底，會請美國、韓國的製作人做廣東話、英文、國語歌，希望可以跳出框框，令香港音樂有更多國際影響力：「覺得香港依家除咗band之外，佢哋喺國際上有表演機會，所以2019年我希望音樂有更多影響力。」另外，他亦透露有意明年在紅館再開騷：「依家準備入紙，不過今次演唱會就會好唔同，會同樂團合作，但暫時未知係同交響樂團定中樂團，預計係下半年，但好多人爭，所以我會盡力爭取。」