仲有廿幾日就生！吳日言公布BB性別係...

現年34歲嘅藝人吳日言（Yan）佗B至今已36周，一直未公開肚裏BB性別嘅佢，啱啱喺社交網開直播透露佗B女，老公已改英文名為「Beatrice」，乳名為「Bea」，喻意快樂、幸福及重感情，Yan表示：「一直唔公開性別，係因為出面太多人以特徵去估，就畀大家估吓！其實生仔定生女，睇外表係冇根據。」

佢仲話森美估佢生仔，笑言對方生咗兩個都唔識睇！距離生B倒數廿幾日，Yan坦言心情緊張：「最近做產檢，醫生話一切正常，冇因為妊娠糖尿而影響BB size。不過有少少臍帶纏頸，可能順產唔到，我自己都有定心理準備，希望順利啦！我都想經歷吓媽媽嘅痛。」Yan冧爆話老公送咗份禮物畀自己，仲即場拆禮物，晒出一副幸福樣，認真羨煞旁人！