東京巡唱 學友死背爛背全日語冧Fans
20181108
東網電視
更多新聞短片
學友完成第204場的東京巡唱回港，精神奕奕登車離開機場。
歷時兩載的《CLASSIC TOUR學友．經典》巡迴演唱會，「歌神」張學友昨晚在東京都琦玉縣舉行第204場巡唱，對上一次他在日本開騷已是2007年。
由東京返港的學友，身穿皮褸、戴冷帽及口罩現身機場，透露相隔11年才見日迷，雖然沒有特別選唱日文歌，但在舞台上全程講日語：「以前喺日本做騷，好少觀眾係中國人，講中文唔識聽，所以不嬲講日文！其實唔係講係背，死背爛背，今次都係全日文。」連粉絲在旁都大讚他犀利。
再次榮升鑽石級會員
提到月底到倫敦及巴黎兩站開騷，問可有學定法文？學友笑說：「梗係唔會啦！我去過好多次，搵唔到有幾個係外國人，全部都係中國人去睇。」唱了逾二百場個唱，身心可有感疲累？他即精神地說：「唔攰！不過都係要完㗎喇！」
過去兩年，學友如「空中飛人」般最少飛了百多轉，笑言又升回做鑽石級會員，皆因早年大女到英國讀書時，據知他每個星期都飛到當地陪伴：「嗰時飛得好多，有一輪係鑽石級，但後來降咗Grade（級數），但今年開始又升番。」
----------------------------
東網巨星開咗ig喇，大家快啲follow啦！