好睇過戲！楊冪唐嫣傳不和首同台互當透明

食花生！內地女星唐嫣上月底同羅晉在維也納舉行婚禮，昔日好姊妹楊冪冇影，回帶睇番楊冪當年嫁劉愷威，唐嫣仲做伴娘，昨是今非，有傳呢對好姊妹此情不再。

雖然楊冪粉絲團已澄清楊冪是因工作太忙去唔到維也納。但尋日（7日）唐嫣同楊冪咁啱現身北京出席活動等人獲邀出席活動，有網友晒二人後台影片，見唐嫣同楊冪雖只距離一步，但全程互當透明，楊冪反而拉住Angelababy傾偈，大合照時，二人一人企一邊，有網民睇到此情此景，都話食花生，好睇過戲，亦有人話希望佢哋快啲和好如初！