【舊相見真章】范冰冰姐弟童年照曝光！

上月初承認逃稅的內地女星范冰冰，近日繼續潛水，不過隨住逃稅風波一事慢慢凋淡，早前被指受事件影響嘅細佬范丞丞都密鑼緊鼓返出嚟出騷，連帶二人嘅童年照都被網友拎嚟討論，仲要網友紛紛好評，真係估佢唔到。

近日有網友上載咗一輯冰冰嘅舊家庭照，相中冰冰都仲係幾歲細路女，不過就已經睇得出佢眼大大，眉清目秀，加上唇紅齒白，被網友大讚係天生一副明星相。冰冰喺照片中左望右望，表情精靈活潑，又真係幾靚女，身旁嘅范爸范媽同依家對比，更加係冇變過一樣，保養得宜。而同冰冰年紀相差19歲嘅丞丞，出世時曾被網友傳係冰冰私生子，不過冰冰一直強調對方係親細佬。睇番丞丞同樣都係得幾歲左右嘅舊相，佢就離奇變咗矇豬眼，面圓圓仲要襯個冬菇頭，cute得嚟又呆呆哋，仔大十八變，同依家嘅韓仔Look反差勁大！