凍齡靠睡眠 趙雅芝生活檢點：我冇輕狂
20181109
東網電視
更多新聞短片
下周64歲生日的趙雅芝依然咁索。
藝人趙雅芝出席由她代言的健康食品活動，現場有半百粉絲撐場，加埋圍觀者逾百，場面熱鬧！下周64歲生日的她凍齡有術，並笑說：「個個都希望青春。（生活有規律？）必須有健康生活習慣，保持樂觀正面心態，會保持起碼8小時睡眠時間，拍戲嘅話會同劇組有多啲默契，有充足休息，先可保證出嚟嘅表現。（有留意蕭芳芳自爆食過迷幻藥，讀大學訂婚兩次？）我冇輕狂，屋企管得好嚴，比較有規律。（教仔都好嚴？）自己會以身作則，父母睇緊啲，仔仔會潛移默化。」
每年生日兒子都會約齊家人與她吃飯，生日願望是人人順利，唔好咁多紛擾、咁多紛爭。講到兒子黃愷傑正在內地拍戲，之後到洛杉磯拍西片。問對兒子評語？她說：「新人乜都要試。（去L.A.探班？）唔會喇！太遠，坐長途機唔得。」
----------------------------
東網巨星開咗ig喇，大家快啲follow啦！