藍潔瑛追思會:曾親手整蛋糕送鄰居

2018年11月09日 15:37
東網電視
更多新聞短片
古馮友表示早年好多作家上門搵藍潔瑛。

藝人藍潔瑛早前於家中倒斃,其追思彌撒會將於今晚八時在天主教聖亞納堂舉行,今日藍潔瑛赤柱良馬樓的寓所,未見胞姊藍潔卿現身,其互助委員會主席古馮友接受訪問,他表示:「警察調查完解封晒,依家等啲親人認物資,啲手續都做晒,房屋署嚟嘅時候都有上香,呢排都有好多人嚟上香,好多人覺得有味同埋想平安。(藍潔瑛啲親人有冇嚟?)唔知!(附近鄰居有冇唔安樂?)冇,早幾年藍潔瑛個肚好大,但自從兩年前,佢個肚消失咗,咁成個人就唔同晒,同鄰居關係好好,同小朋友玩得好開心,咁我就唔夠膽同佢傾偈,因為身份問題,加上佢精神有啲問題,唔適宜同佢接觸咁多。」

古馮友還表示,早年有不少作家上來找藍潔瑛,但她不想見,鄰居們都有幫手阻止,藍潔瑛為多謝大家,都有親手整蛋糕畀鄰居食:「其實佢有病都好慘,大家都好包容佢,早幾年佢煙不離手又成日嘈,近年就好好多。」

問到今晚他會否去藍潔瑛追思會?他謂:「唔會,我係互助委員會主席應該立場中立,過往有住客走咗都好少去喪禮,如果個個都去,都無錢做花籃。(會唔會打算打番堂齋?)唔敢搞喇。」