【長留觀眾心】藍潔瑛精湛演技演活每個角色

「靚絶五台山」嘅藍潔瑛，除咗美貎獲得認同外，多年來演出過不少膾炙人口嘅電視劇都好深入民心。雖然佢已離大家而去，無綫myTV SUPER FACEBOOK專頁剪輯咗佢多部作品，回顧吓呢位傳奇女子。

藍潔瑛喺1984年曾擔任《K-100》、《430穿梭機》主持工作。1989年喺劇集《義不容情》入面飾演黃日華嘅母親梅芬芳，當時她僅20出頭，演活咗一位洗盡鉛華、含冤待雪嘅母親角色，其中被問吊行刑嘅一場戲，相信大家都好印象深刻。

同年，另一部古裝劇《蓋世豪俠》做吳孟達養女雪雁同樣出色，古裝扮相同樣展現美態。甚至喺《霓虹姊妹花》做媽媽生Elaine、1992年《情危夜合花》飾演舞小姐GiGi，同樣擺脫清純形象，將風塵女子演得活靈活現，入形入格。當中大家最難忘，相信係1991年佢喺《大時代》飾演被丁蟹苦苦癡纏嘅阿玲，臨死誓要執番隻戒指嗰幕，當年觸動過唔少觀眾，嗰個情景極為凄美，佢每部劇集、電影嘅精湛演技，將長留觀眾心中。

網民熱話

Mr. EKXXC: 演技同樣貌同樣了得。

mARGRETT cBB: 天妒紅顏

大隻B: 希望無綫可以重播，等大家再一睹佢既風采

bREDBITT CHXX: 依家呢代無一位花旦及佢。

WYMANFF CER: 義不容情雖然客串，佢問吊嗰戲真係好逼真。