舊衫輪流着　唐寧爆阿女變男仔頭

藝人唐寧及王敏德大女王曼喜（Kayla）今日出席環保衣物活動，活動後二人齊齊受訪，唐寧表示平時都有做搞手，定期與朋友舉行二手衫交換、義賣活動，由小朋友衫至大人衫都會交換。問到可試過將大人舊衫改裝成童裝給一對仔女着？她表示這是一個好提議，自己亦試過改衫：「細女都會着哥哥啲衫，所以搞到佢成個男仔咁！」

至於設有個人服裝品牌的Kayla就表示公司成立了兩年半，之前都會用有機棉造衫，現時就希望搜羅更多剩餘布料：「例如啲大品牌嘅公司會一次過買好多布，但唔係全部都啱用，就會擺埋一邊，希望搵多啲呢啲布再造衫，而自己喺大學都會買啲二手衫着。」問到二人可有興趣一齊搞活動？她們異口同聲表示：「大家都係同道中人，而做呢樣嘢係需要力量，團結大家。」