導演爆《復仇者4》或將長3粒鐘成系列之最

漫威（Marvel）晒冷大片《復仇者聯盟3：無限之戰》（Avengers: Infinity War）今年上映叫好叫座，粉絲狂估下集《復仇者聯盟4》（Avengers 4）大結局到底講咩，網上有勁多傳聞之外，導演羅素兄弟（Russo Brothers）近期亦大方洩密，除上載片場相，

Joe Russo日前於社交網Instagram開直播宣傳自家餐廳時，更大方與粉絲傾起《復仇者4》的細節！

他表示電影現正進行剪輯工作，剪到一半左右，現時片長大約3小時，不過就講明未知成品會唔會係3小時，如果成事的話，《復仇者4》不但比《復仇者3》多出20分鐘，更會成為漫威影史上片長最長的超英片！有粉絲問Joe電影公司會唔會容許片長3小時，佢就大爆迪士尼與漫威對他們作品的片長無相關限制，堅係尊重創作！