飛來艷福 洪永城睇音樂節有鬼妹黐埋身

2018年11月09日 17:50
東網電視
更多新聞短片
洪永城到場即吸引眾外籍女子埋身合照。

每年一度香港大型戶外音樂節Clockenflap今日開鑼,吸引一眾本地星級樂迷到來捧場。包括蘇麗珊、方大同、丁子高、李逸朗、洪永城及連詩雅等。

近期有新片上映的蘇麗珊表示今年第二年出席Clockenflap,原本想睇張懸演出,但因為要趕去謝票,所以睇唔到,只係嚟感受吓氣氛。而近日因病困擾的李逸朗話自己因痛風而病了兩個禮拜。至於洪永城到場時,有性感外籍女子見記者影相而撲埋去一齊合照,仲問在場記者他是否名人,洪永城即回答:「I hope so!」(我希望係啦!)雖然飛來艷福,但洪永城之後同記者講:「你哋舉機令我有艷福,但係福係禍就未知!」