原子鏸香港行婚禮 鄭佩佩唔畀金器唔恨抱孫

20181109
東網電視
更多新聞短片
原子鏸陪媽媽出席華鼎獎。
「第24屆華鼎獎-中國百強電視劇滿意度調查發布盛典」今晚於機場亞洲博覽館舉行。影星鄭佩佩和其女兒原子鏸及午馬遺孀一齊行紅地氈,原子鏸身穿低胸藍色珠片裙,露背款式及腰間呈現透視,相當性感。
待嫁新娘的她,表示今天陪媽媽攞「終生成就獎」,而之前已甫出婚照的原子鏸,今天尚未有宣布婚期,只說:「出年二月結婚。(正式日期?)大家遲啲會知!我會喺香港搞婚禮,當天會喺現場簽紙及舉行自助餐!」
問到身旁的鄭佩佩可有幫手?她說:「我去就OK啦,乜都唔使做。(做靚衫呢?)我有贊助!(準備龍鳳鈪金器畀個女出嫁?)冇喎,乜要金器咩?!」身旁的原子鏸即表示:「好多都唔需要,簡單就得啦!婚禮當日我哋請咗好多外國返嚟嘅朋友,家人都會係海外返嚟。(有冇中國接新娘習俗?)全部都冇,想輕鬆啲!西方習俗婚前係唔見對方,要結婚當日先見,所以我哋冇玩新郎環節!(婚後生小朋友?)希望嘅。(正調理身體?)冇調理,我都好健康,順其自然,睇天畀唔畀我生啦!」再問佩佩姐可否想抱孫?她笑說:「唔想,我都抱唔郁啦!」