邊個跑出先？黃心美自嘲：最後步驟都做咗

藝人黃心美及妹妹黃心慧出席活動，講到早前心慧喺墨爾本舉行婚禮，佢話原來未簽字結婚：「未正式簽，出年一月尾會喺香港簽。（難忘？）都幾啦，好耐無試過成家人去旅行。（幾時生小朋友？）以前想生3個，依家年紀大，生到兩個已經好開心。」

心美透露送咗一隻錶畀妹妹做結婚禮物，問到點解唔係一對？她說：「好多人都咁問，因為我覺得妹妹已經係最好嘅禮物。」咁問到係咪好貴？心慧說：「我買唔起囉，有時想買好貴嘅嘢都會叫佢買，代表佢愈賺愈多。」咁問到心美同心穎幾時結婚？心慧說：「睇佢哋，呢個年代結唔結婚都無所謂。」心美坦言：「我連最後嘅步驟都已經做咗（指離婚）。」