同是教徒 張衞健想辦法助藍潔瑛辦理後事

2018年11月09日 19:21
東網電視
更多新聞短片
張衞健坦言與藍潔瑛唔熟,但二人同是教徒,得悉事件後,他想盡辦法為藍潔瑛辦理後事。

藝人張衞健於晚上七時四十分現身藍潔瑛追思彌撒,他坦言跟藍潔瑛並不熟悉,但大家同是天主教徒,他跟今日主持彌撒的香港教區副主教陳志明有聯絡:「我今日係嚟幫手睇睇。最近一位上海教區嘅神父好熱心,睇到新聞知道藍潔瑛過咗身,知道佢獨居,主動問到香港家人同教區會唔會可以幫佢處理後事,當時唔係好清楚,但咁啱我最近同陳志明講電話,同佢講起藍潔瑛件事,佢話香港教區可以聯絡到佢家人,可以幫手處理,安排神父、入土、處理骨灰,可以葬喺教區嘅墳場,後來陳志明話搵到佢家姐藍潔卿,所以最後就有呢個追思彌撒。」他接受訪問後便進入聖堂內與神父們交談。


----------------------------
東網巨星開咗ig喇,大家快啲follow啦!
https://bit.ly/2JjSVcr