藍潔瑛追思會:動容!5年前受洗今返天家

2018年11月09日 19:50
東網電視
更多新聞短片
藍潔瑛追思彌撒現場集300教友及親朋到場。

藍潔瑛追思彌撒在聖亞納天主教堂舉行,並由副主教陳志明主講,開始前陳志明曾趨前慰問藍潔卿,現場集300教友及親朋到場,現場亦有小提琴演奏。陳志明講道,全程以Maria或藍姐妹稱呼藍潔瑛,他提到:「藍潔瑛一身有精彩時刻,亦有痛苦時期,最尾她卻選擇歸於平淡。五年前藍潔瑛喺度領洗,同其他六名教友,當時她身穿白袍戴頭紗,儼如新娘子一樣,她由病喺醫院期間,有好多教友送上飯餸,亦有教友協助佢將屋企翻新,領洗當晚佢不斷同身邊人講,我好開心、我好開心,佢選擇成為天父女兒,藍姐妹離開,由主耶穌親自接返天家,冇人可再傷害佢,可享受心靈上永遠既青春美麗,由忍受人生到而家享樂永恒,佢不時喺聖衣會祈禱及參與彌撒。」到第二篇讀經時,讀經員中段更禁不住住喊。

其後陳志明又說:「雖然佢患疾病要入療養院,教友輪流送飯。每次教友走,藍姊妹都會送上飛吻。」