揼本搞餐廳!張敬軒自爆使費等同紅館騷

2018年11月09日 20:33
東網電視
更多新聞短片
軒仔今次揼本搞餐廳,大爆一隻碟都要成6、700蚊!

歌人張敬軒(軒仔)以「揸Fit人」身份出席其餐廳活動,他即場宣布邀請了前米芝蓮三星大廚Bruno Menard出任餐廳美食總廚,兩人在活動中比試廚藝及歌藝,軒仔都兩度落敗。司儀問大廚對軒仔的第一印象時,軒仔搞笑地自行加插「靚仔」這個Point。

軒仔表示今次乃重金禮聘Bruno Menard,剛巧法國在世界盃奪冠,趁對方心情好才傾得成:「我飛咗巴黎同日本幾次去同佢傾,佢嘅人脈帶畀我哋好多專業食材,好似南韓牛肉同法國出產嘅香檳。(同佢簽幾耐約?)冇具體時間,但佢每個月有一半時間喺度,收我哋友情價,但配套要求好高,餐具同setup都要換過晒,一隻碟講緊要6、700蚊,淨係呢啲費用等於一場紅館騷㗎喇!」其後笑言要靠唱歌搵多啲錢幫補。軒仔表示冇想過向廚師方面發展,不能與好友謝霆鋒相提並論,但希望日後能同霆鋒合作,亦會邀他來試菜。