藍潔瑛追思會：胞姐指未安排骨灰事宜

藍潔瑛的後事安排為人所關心，其胞姐藍潔卿在追思會完結後被問到骨灰事宜，她只答：「未安排！」

至於香港天主教教區副主教陳志明為藍潔瑛講道後接受東網訪問，他說：「五年前見過藍潔瑛一次，當時見佢同教友好開心食雞批，之後都冇見過，印象中佢係好開心！而平時自己有做堂區事務，咁啱今日呢個堂區主神父忙，所以我嚟幫手。（骨位放呢度？）其實骨灰方面，除咗呢度仲有跑馬地、長沙灣及粉嶺天主教墳場嘅骨灰龕位都可以放，睇佢家人意願，而今晚亦有代收帛金，之後會畀番佢家人處理！」