腳踏6吋高踭鞋！陳法拉聖誕返美國陪男友

藝人陳法拉今晚着上型格西裝襯6吋高踭鞋，以頒獎人身份出席第一屆「全球大學電影獎」。她受訪時表示會頒發「最有潛質女演員」獎項，指學生能於學校發揮創意製作是一件好難得的事。問到會否覺得香港大學生難追夢？法拉表示贊同，又用自己做例子：「前兩年讀書嘅時候都想拍啲嘢，但資源真係有限制，所以獎項同機構嘅支持係好緊要。」法拉其後談及消防處新宣傳主角「任何仁」：「其實嗰套藍色嘅Suit都唔使好多錢，個Idea好緊要，任何人都可以做導演。（你都好欣賞呢條片？）覺得冇所謂，搞笑又得，只要令人記得就得。」

法拉續指幾日後會返美國，直到12月頭才會再回港。問到如何慶祝聖誕節？她笑言未有計劃：「呢兩個月都有好多未知數。（男友會投訴？）唔會，聖誕節會有時間見到。（準備禮物？）等佢送畀我，我哋唔係睇得呢個節日太重，食餐飯就開心。（你煮？）如果過節都希望唔使煮，出街食啦！」

另外，導演杜琪峯亦有出席活動頒發「最佳劇作」獎，但沒有受訪便匆忙離開。