同單文柔結婚未夠1個月 陳展鵬宣布做老竇

20181110
東網電視
更多新聞短片
可喜可賀!
現年41歲嘅陳展鵬上個月13號同28歲嘅單文柔結婚,佢哋一直都話隨時Ready做父母,估唔到咁快就有喜訊,佢同太太一齊喺社交網站宣布「Baby is coming。」佢仲話:「2018年真是一個難忘嘅年份,我又再多咗一個身份啦!期待你嘅來臨??。」而單文柔都有喺社交網留言,佢話:「期待小豬比的來臨。」勁多網民留言恭喜佢哋,雖然未知性別,不過男嘅型女嘅靚,將來BB都一定好靚咁話!
消息一出,好多藝人朋友留言恭喜,包括:李施嬅、單立文(豹哥)、姚子羚、張名雅、陳自瑤、李亞男、楊秀惠等,當中最搞笑都要算係豹哥,佢留言話:「恭喜恭喜,添丁又發射。」唔知佢係咪太開心一時手快快將「發財」打咗做「發射」?
之後,陳展鵬亦透過東網回應:「多謝大家關心,我和太太好興奮好開心可以同大家分享喜悅!」
----------------------------
東網巨星開咗ig喇,大家快啲follow啦!