某DJ踩Rap老土！農夫開騷寸到爆一吐烏氣
20181110
東網電視
更多新聞短片
依家證明咗佢哋係掂嘅！
組合農夫成員陸永及C君尋晚喺旺角麥花臣場館舉行一連六場演唱會，去到演唱會中段，二人講番出道十八年嘅點滴，話原來18年前嘅農夫係有四個人，有女主音Gigi同埋DJ Galaxy，陸永坦言：「人生無常，唔能夠控制命運，18年後呢兩位成員.......................今日嚟到現場。」隨即兩位上台後，台上播出18年前四位喺日本用鐵絲網做背景嘅合照，陸永同C君即話要整番個2018版本，工作人員即將鐵絲網搬上台，畀台下一班粉絲影相。
而佢兩個又話仲記得當年第一個騷只係得九個人睇，過咗十幾年呢班人成為人生最重要嘅朋友。另外，兩人又講番當年出派台歌時，畀某DJ批評：「仲Rap？咁老土。」C君即刻話：「其實Rap都唔算開始咗好耐，就話好老土，佢真係好前衞。」
----------------------------
東網巨星開咗ig喇，大家快啲follow啦！