比賽結緣!可嵐考驗吳淦軒畀足機會

2018年11月10日 05:30
東網電視
更多新聞短片
認真唔話得!

歌手可嵐將於12月1日舉行首次個人演唱會,適逢出道10周年,她認為個唱就像紀念與成績表,期望大家多聽自己唱歌:「我除咗唱自己嘅歌,仲唱咗好多廣告歌,到時會唱畀大家聽,仲會改編一啲經典歌。」親手策劃開騷的她坦言有很多事要揣摩,更特別徵求網民意見。舞蹈方面,可嵐坦言一定有:「我啱啱出道有隻快歌《千嬌百媚》,做咗媽咪之後就未跳過,不過叫我跳番舞都得嘅,或者打功夫加跳舞!」至於師弟吳淦軒(Hennes)可會擔任嘉賓?他表示會唱新歌《親愛的》:「睇吓我哋會唔會合唱到,或者我唱另一首新歌。」

問到二人如何認識?Hennes透露自己參加內地歌唱比賽時,剛巧由可嵐擔任評判。可嵐笑言當時難得見到香港人,所以一定幫:「我係05年新秀入行,我覺得所有比賽都好緊張,喺台上面又可能有差錯,佢好有勇氣,願意踏上比賽嘅道路。」Hennes直言當時壓力很大,因為比賽又長又多不穩定因素:「今個星期完咗,即刻要準備下星期嘅比賽。一星期內要練成幾首歌,唔知正式要唱邊首同邊個版本,連有冇得唱都唔知,隨時畀人叮走!」可嵐在賽後試探他對唱歌及音樂的熱誠,又觀察他會否接受不到比賽成績不夠好的打擊,最後發覺他表現很好,就跟他簽約。
----------------------------
東網巨星開咗ig喇,大家快啲follow啦!
https://bit.ly/2JjSVcr