仲有驚喜!羅蘭如願見證羅天宇陳瀅結婚

2018年11月10日 10:13
東網電視
更多新聞短片
《跳躍生命線》驚喜連連,原來羅天宇同陳瀅結埋婚添!

無綫劇《跳躍生命線》對對都有情人終成眷屬,包括馬德鐘及張曦雯、何廣沛及劉佩玥、羅天宇及陳瀅、張文慈及歐瑞偉,冇BBQ式大結局,有誠意又創新!而最後就以記得番嘢嘅「魯賓遜」張國強所影嘅相交待每個人經歷,原來當中係有亮點㗎!

一班主角喺Instagram上載花絮照,當中羅天宇同陳瀅呢一對就大晒婚照,網民都好驚訝,即係喺劇中百無禁忌為自己諗定後事嘅「嫲嫲」羅蘭如願見證到孫女結婚,真係令人感動!而呢一幕雖然冇喺劇中播出,但其實喺「魯賓遜」照片中「閃過」!網民都留言叫嫲嫲可以安心,「孫女婿要好好照顧孫女,嫲嫲就開心」,又大讚佢哋好登對、好Sweet,又問有冇得睇續集講婚後生活呀!

而何廣沛亦上載合照留言:「我確信,我們不會因為結局而分開,而是更加深深的緊扣著(着)」,張曦雯就話:「這份友誼會一直長存下千萬個不捨!」馬德鐘就多謝大家支持,江湖再見呀!