仲有一個月生！李亞男晒巨肚　B女郁唔停

現時佗住B女嘅李亞男預產期係12月，即係仲有一個月就生得！專心養胎嘅佢喺Instagram上載短片，見佢露出籮咁大嘅肚，而個肚皮就不停郁動，睇嚟B女都好活躍噃！亞男都笑問：「Party Time？」相信大家好快就知道BB似媽媽定爸爸王祖藍喇！

而懷有4個月身孕嘅名模樂基兒亦上載露腰相，不過見佢只係微微凸肚，依然非常fit！而一向熱愛瑜伽嘅佢，透露懷孕頭3個月時都要避開人群冇得去上瑜伽堂，因為懷孕8周時個肚開始大，唔可以隱藏起嚟，而且老公好迷信！不過依家終於可以再做瑜伽喇，仲準備去買啲孕婦瑜伽褲，仲笑言：「Bye bye body now！」網民都叮囑佢小心呀！