報喜先兆?馬爾代夫度假 胡杏兒肚凸凸

2018年11月10日 13:27
東網電視
更多新聞短片
呢個人相當有可疑!

日前生日嘅胡杏兒最近同老公李乘德(Phil)一家三口去咗馬爾代夫度假,佢喺Instagram上載照片,見佢素顏上陣喺海天一色下回眸一笑,不過見佢腰間有啲粗同有肉哋,身形明顯圓潤不少,佢話去做spa,唔少網民都即刻追問佢係咪有咗,紛紛恭喜定佢呀!而Phil亦有上載自拍,見佢同老婆齊齊做運動!

其實杏兒喺懷有第一胎時,就喺社交網上載一輯喺馬爾代夫影嘅大肚相報喜,唔通今次「重施故技」?而且杏兒都避免影正面相,自拍時亦只晒出「香腸腳」,加上佢早前講過生日願望係生多個「希望有好消息畀大家」(相關新聞: https://bit.ly/2JRRiR5 ),睇嚟相當有可疑!

而囝囝Brendan就第一次搭飛機,去到當地時Brendan被清澈嘅海水迷惑住,坐喺玻璃地上望住啲水入晒神,真係勁可愛!網民都問今次係咪影張「四人」合照公報喜訊呀!