哽咽講嫲孫情 朱晨麗自爆係真實版「滿月」

2018年11月10日 15:15
東網電視
更多新聞短片
朱朱自爆係真實版「滿月」,因為嫲嫲都不幸患癌。

藝人朱晨麗(朱朱)今日出席台慶劇《兄弟》的宣傳活動,問到可會擔心新劇會與剛播畢的《跳躍生命線》有比較?她笑言不怕,指希望可以承接《跳》的好收視、再創佳績,又信心爆棚地預告《兄》首集就能吸引觀眾:「古仔、畫面感都唔同,拍出嚟好有電影嘅感覺。」

講到《跳》的主角之一正是緋聞男友何廣沛,朱朱怕醜話自己都有日日收看,大讚劇中有好多貼地情節,而自己最鍾意的是羅蘭與陳瀅的「嫲孫情」,更自爆是真實版「滿月」,同樣面對嫲嫲患癌情況,更一度講到眼濕濕:「嫲嫲都係同羅蘭姐差唔多大,所以一到嗰啲情節就喊到不得了,咁媽咪都喺隔籬睇,唔想太投入就會去扮拖地、扮做家務,但心入面係好痛苦、好掙扎。希望佢順順利利、身體健康,佢依家住喺蘇州,有時候都希望多啲返去陪佢傾偈。」問有否同何廣沛傾心事?朱朱即笑言沒有,因為大家都忙。