翻撻陳嘉莉?張建聲冇否認:我哋都有共識

20181110
東網電視
更多新聞短片
張建聲翻撻陳嘉莉?
藝人張建聲出席電影發布會,提到被拍到他與陳嘉莉(Kelly)出遊,問到二人可是「翻撻」?他未有否認:「係一齊去咗旅行呀!(即係一齊番?)係一齊返……香港,畀啲空間我哋,我哋都有共識,點都事業行先。」若然有人約Kelly都唔介意?他即瞪大眼說:「唔介意,冇嘅,識朋友好正常,但一個女仔去應酬時就要小心,注意安全啦。」
潛水搞到作嘔
講到早前首次為廣告做導演兼演出,專程飛到菲律賓取景,雖然不熟水性,但都有潛水鏡頭。他表示雖然已考到初級潛水,但因拍攝時不斷潛入海再上水,水壓問題令他有點作嘔,但完成整個拍攝出來的First Cut效果都好滿意。
為新片再減15磅
要自編自導自演,薪酬是否收三倍?他說:「唔係吖,酬勞合理,但有一半錢自己都畀咗拍攝團隊,始終大家群策群力先至完成。」他又透露為新片再次減磅演出,今次要28日減15磅,因戲中有大量打鬥,都需要再操Fit自己。
----------------------------
東網巨星開咗ig喇,大家快啲follow啦!