唔煙唔酒　張智霖Keep副靚偈畀下一個

藝人張智霖（Chilam）到尖沙咀出席器官捐贈宣導活動，他表示自己亦有登記，希望藉此以愛傳愛：「希望可以延續生命幫到人，好有意思，所以我都好用心保持自己副「偈」，畀下一個個人用。好似我揸車都保養得好好，我都有諗法畀下一個人好好咁用。（太太袁詠儀知情？）知，呢啲係要尊重家人意願。（太太有登記？）有，我哋必須要步伐一致，先可以一齊行咁多路。（媽咪批准？）媽咪好開明，佢份人好新潮。」

Chilam表示有參與捐贈骨髓：「有時拍完戲返香港，發現收到信有合適對象，我即時打番去，但已經為時已晚，覺得係好大遺憾，好希望可以透過其他方式幫到更多人，覺得好有意義。」Chilam又表示改善了很多壞習慣：「我都戒煙好多年，唔好做啲嘢破壞自己身體，我唔好酒，只係夜瞓，我係瞓覺方面有拖延症。」