生腦瘤歷生死!劉家聰驚爆:個瘤割唔清

2018年11月10日 17:26
東網電視
更多新聞短片
一場大病,令家聰感悟生死。

前娛樂主播劉家聰到尖沙咀出席器官捐贈宣導活動,接受腦瘤切除手術後的他表示,病情已大致康復:「病情好得八八九九,手術後做咗30次電療。因為醫生話個瘤割唔清,當時係醫護人員平伏我心情。依家加入醫療輔助隊做顧問,因為患病時係前前線人員幫我,覺得好感恩,覺得救人重要希望學識去救人。同埋好多朋友係社交網搵我,問番有關電療嘅嘅嘢,好開心可以同大家分享。」

問到會否計劃重回幕前?劉家聰說:「一步步嚟,早前做舞台劇都係一個新嘗試,畀個機會我去接觸番,希望可以演一啲角色令大家有共鳴。(康復後對工作有影響?)生活習慣上,依家睇嘢好唔同,成件事好似經歷過生與死,以前做嘢做到盡,依家健康為先,少少事就會被感動,覺得生命好寶貴。」