家有惡妻！鄧健泓自爆被太太石詠莉嫌虧

歌手鄧健泓（Patrick）出席電影發布會，講到今年初拍了一部網劇，回響不錯，因此為他帶來不少演出機會，他謂：「依家有乜都做啦！有家庭、有個惡妻，要努力搵錢，照顧到自己亦要照顧到老婆。」

講到健康，他表示：「佢（太太石詠莉）話我身體差，又話我虧！（唔係喎，太太係話你勁呀！）咁我梗係勁啦！但隨住年紀漸長，都要做吓身體檢查，發覺膽固醇超標、超咗兩度，所以都要努力做運動，之後指數已經降低咗啲。」Patrick又指以前唔覺買保險有用，依家直情加碼買，他表示人大了，想法亦不同了很多。