【咁快諗定?】陳柏宇有意送囡囡加國留學

2018年11月10日 18:15
東網電視
更多新聞短片
Jason個女依家都唔夠兩個月大。

歌手陳柏宇(Jason)及組合小塵埃到馬鞍山出席英語活動,小塵埃成員Pollie自爆小時候被人教錯「Spaghetti」的讀法,直至她稍為大個後才知道自己一直讀錯該字。而同場的Jason則表示不擔心囡囡Abigail會被人教錯,更指囡囡日後如果去加拿大讀書就不會有大問題:「依家九成肯定,仲有一成唔肯定,就係可能我發過豬頭,佢就可以做二世祖,唔使學英文。」

問到何時讓女兒出國升學?他表示應該在囡囡讀小學一、二年級後:「睇吓我會唔會生多個,如果會嘅,就等佢哋一齊入同一間學校,有個照應,打交都多個人幫拖,不過我都想生多個嘅。」提到太太Leanne正在收身,他笑說:「我只能夠講加油啦、努力啦,佢都唔想着唔落以前啲衫。同埋到第二胎嗰時,佢就唔會再食到自己咁肥,營養重要過體重。」

談到將在聖誕節開騷,Jason透露太太與女兒會到後台支持,而小塵埃就不會擔任嘉賓,小塵埃透露:「佢會有更特別嘅嘉賓,但我哋都唔知係邊個。」Jason聞言即表示希望他們一起前來,因為多些人玩會更溫馨,而小塵埃另一成員Jonathan亦覺得聖誕節是適合一起玩樂的日子。