林奕匡患騷後抑鬱　唔知點算好！

歌手林奕匡（Phil）、湯駿業（Ah Dee）及黃妍（Cath）到馬鞍山出席英語活動。問到Phil開演唱會後可有騷後抑鬱？他坦言：「頭兩日真係唔知點算，因為之前日日都做準備，點知突然放假。依家過咗一個星期，仲有好多相未post。」提到新歌未有名字，他指歌曲關於自己想做醫生但做不到的經歷：「自己彈結他好緊張！我好欣賞Ed Sheeran，佢一個人做晒成個演唱會，包辦唱歌同玩樂器，我都想好似佢咁。」

Ah Dee表示最近忙於跟Cath排練音樂劇，並要宣傳各自的新歌，又要籌備新碟，希望趕及為樂迷送上溫馨的聖誕禮物。Cath笑言見他比見家人更多，很期待演出。