吳嘉熙商場騷自彈自唱　男友揸機壯膽

歌手吳嘉熙（Cheronna）在商場舉行迷你音樂會，母親和親友與及男友黃奕晨專誠撐場。Cheronna稱男友是來做她御用攝影師幫她拍照。為今次演出，她自備結他來自彈自唱：「唱9首歌，會彈2首啦，因為都唔夠時間練，尋晚都忟自己練唔好，男友都安慰我慢慢嚟！（佢識唔識彈？叫佢幫手伴奏？）佢唔識，佢都想呀，其實佢最鍾意唱歌。（有冇叫你幫手等佢可以入樂壇？）冇喎，佢都係想做好演員工作先。」

另外她稱16日便和男友、張惠雅（Regen）和C AllStar成員安仔組隊參加了2日的毅行者比賽，大家都有跟專業教練去操，但暫時只得安仔達標。問到4人可有牙骹戰？她謂：「又冇，大家都係完成賽事為目標，到時互相鼓勵，為大家加油，最緊要唔好受傷。」