日語勁流利　黃紫盈自爆被誤當日本人

主持人黃紫盈早前擔任活動司儀，認識到日本殿堂級甜品大師辻口博啟，曾到日本留學的紫盈，即場大晒流利日語，她說：「大師覺得有日文司儀好親切，又讚我日文好，佢講笑話第一次見面時以為我係日本人。」她說跟大師很投契，指對方提到剛在巴黎舉行的國際朱古力賽中連續第六年獲得最高評級金賞：「佢叫我有機會要去採訪吓啲國際甜品大賽，大師自己喺日本都有辦甜品學校，佢叫我遲啲要去間學校，我都好期待能夠向佢偷師，心血來潮都好想拍番輯『盈遊日本-學廚篇』。」

對於日文甚為流利，有助主持工作，她說自中學開始便學日文，後來到日本留學時，全賴日本同學日講夜講，加上近年來多接要日語的工作，變相當練習機會，她說：「為咗工作更加好，間中我都會進修，除咗日文，近年都接好多普通話嘅司儀工作，希望保持粵英普日四語能力。」