慶祝結婚5周年 沈慧林想追B:可能下年

2018年11月11日 05:10
東網電視
更多新聞短片
繼續恩愛!

「港產陀飛輪」萬希泉創辦人沈慧林是出名的愛妻號,十一月九日是他與太太結婚五周年紀念,沈慧林在社交網寫下愛的宣言,他說:「從11年前大學讀書時期在一起,我們共同走過不同的人生經歷,謝謝太太多年來支持我和體諒我的忙碌。在家庭上照顧好囡囡和打點一切,事業上為我管理好不同投資,謝謝我的好太太!」並晒出多張與太太的舊照,回顧浪漫情懷,認真Sweet爆。當晚他們到張敬軒經營的仙后餐廳撐枱腳過二人世界,現場有歌手獻唱多首懷舊金曲和歌劇,他大讚香港就是需要保留這樣的文化藝術。

是否承諾往後N個五年都一起?他說:「好希望同太太有好多個五年,永遠永遠一齊,我個人好飲水思源,我同太太識於微時,嗰時我讀書仲搵緊人生方向時,太太已經對我好支持,好多嘢令我刻骨銘心。好似嗰時我決定辭職唔做投資銀行,好多人都反對,但佢都鼓勵我。我去外國讀碩士,佢都鼓勵,寧願喺香港等我。依家工作忙,經常出咗去奉獻廿四小時時間工作,佢對好信任,好感激。(想追B?)想嘅,我哋好錫囡囡,覺得有伴畀佢冇咁悶,想有人陪佢,可能下年,隨緣。」