光棍節晒恩愛！林嘉華結婚34年講愛的宣言

今日11月11日係光棍節，你有你單身，我有我開心，藝人林嘉華就喺社交網大晒恩愛，原來呢日係佢同太太劉寶珍結婚34周年紀念！兩公婆提早喺加拿大多倫多慶祝，因為林嘉華要趕返香港工作！曾經講過當老婆係女朋友嘅佢就大講愛的宣言：「34年前的承諾，我倆到今天仍然堅守！多謝太太一直支持及無盡嘅付出！Thank you very much... LOVE YOU❤」陳志健都留言恭喜佢哋，而網民都大讚林嘉華咁係好老公，咁多年都零緋聞呀！劉寶珍就喺ig大晒玫瑰花，仲話時間可以改變好多嘢，但有一樣嘢唔變嘅就係對老公嘅愛！

仲有位好有心嘅粉絲將佢哋多年前舊照製作咗張「Q版」畫像，林嘉華留言：「每年我們生日或結婚紀念日都不忘送上她自己制作的『Q版我倆』來祝福！我同太太都衷心感謝。」