單文柔大肚 連好姊妹張寶兒都唔知情!

20181111
東網電視
更多新聞短片
對住好姊妹都咁口密?!
藝人張寶兒(Bowie)跟剛宣布懷孕的單文柔既是同屆港姐亦是好友,對於她是奉子成婚,她出席義賣活動時表示事前全不知情,直至陳展鵬在社交網公布喜訊才收到好友的報喜電話,回想當日在遊艇上見證兩人簽紙結婚時都戥好友牙煙。問可覺得單文柔當時舉動也「就住就住」?她說:「都有啲啲,初時以為佢因為着咗婚紗,唔敢太大動作,(可覺得大肚婆坐船危險?)都唔會,因為一上船大家都換拖鞋,佢又再着高踭鞋,同埋佢有好多人照顧住,我諗番轉頭嗰日有攬佢,好在唔係攬得好緊。」可有估單文柔生仔還是生女?她覺得如生女,陳展鵬一定錫到燶,況且先生女可以照顧弟妹,雖然好友主持兒童節目時,曾微言常被小朋友圍住,但相信她心裏面很鍾意小孩的。
她自言可接受奉子成婚,但個人喜歡按部就班,先結婚後生小朋友,坦言有跟男友袁偉豪傾過結婚問題,只是暫時兩人對事業有憧憬,想先做好工作先,又話自己有矜持,不會向拍拖年幾的男友求婚。