C君預告出年結婚　農夫玩棟篤笑向子華致敬

「農夫十八歲生日快樂演唱會」完成第3場演出，過去兩晚完騷前都有「送客」環節，在第3場兩人就有即興改動 ，全因2人偶像黃子華捧場，除開場前請了子華上台集郵及中段多謝子華外，2人更為子華特別打造一場20分鐘的「篤棟笑」來向子華致敬。因只講一場，2人笑言現場人事不要向外透露或拍片分享。他們再提到當晚與子華長談5小時話題，有3小時是談論嗌交時不要講粗口，又笑指台下來捧場的黃翠如每次聽到粗口都會打冷震，兩人笑言：「其實都幾環保，當天口熱熱地，咁蕭公子（蕭正楠）不停喺佢耳邊叫你X母、你X味、可能會太凍添。」同樣來捧場的翠如，在台下就否認有這個怪習慣。C君又自爆明年準備擺酒，即時全場為他歡呼，但陸永抵死說：「好欣賞你，你喺棟篤笑宣布自己結婚！」Ｃ君謂：「我打算啫。」陸永笑謂：「係呀，你如果又……咪當講笑囉，幾好喎。」

老婆?得好舒服

陸永講到今年是和太太結婚7周年，這天更是拍拖紀念日，趁機在台上講愛的宣言：「呢位太太都忍受咗我7年…。」C君則踢爆他是想補鑊，因早兩日激親老婆。陸永即言：「我太太不知幾大方，7年嚟太太對我付出好多，但我都唔差，起碼我冇7年之癢，我半年已經痕，正常男人點會等到7年，痕係正常，只不過你搵唔搵到一個人幫你止痕，多謝，我老婆呢7年嚟?我?得好舒服。」

最後大螢幕播出子華多年的棟篤笑作品，二人說：「我哋做呢個棟篤笑唔係因為之後會去做棟篤笑，係因為我哋想同子華神致敬。」而陸永感謝子華承認他們是同行，作為同行所以一定要有作品給子華看。在台下的子華走到台邊給兩人擁抱，還再開腔說：「嗰晚我哋講咗好多好多話題，但佢哋只記得係唔好講粗口，但我真係認為佢哋係我嘅同行，所以如果佢哋開棟篤笑，而係好認真咁做……我盡量在場。」

----------------------------

東網巨星開咗ig喇，大家快啲follow啦！

https://bit.ly/2JjSVcr