為做媽咪作準備　樂基兒佗B做Gym練臂力

名模樂基兒早前承認造人成功，懷孕4個月，生仔生女都鍾意，最緊要係小朋友身體健康！雖然佗住BB，不過向來喜歡做運動嘅佢，絕對冇偷懶。佢喺社交網分享一段做gym片，見佢練緊臂力，仲做得好認真，一下一下慢慢做，佢就話：「練好臂力，為嚟緊做媽媽做好準備，不過都要小心唔好整親，同埋最緊要做完每個訓練都要休息。」大家都讚基兒一定會係個靚媽呀！