阿信熱戀蔡依林？粉絲晒N項「證據」

東網電視

天團配天后？？？？

台灣天團五月天阿信感情生活一向成謎，緋聞少到被質疑性向，又傳出秘婚生仔！而最近阿信就傳出有新戀情，對象仲係天后蔡依林（Jolin）添，有粉絲仲列出多項「證據」，即時引起熱烈討論！

1. ?實Jolin動向

台灣KOL阿翰曾上載同Jolin合照，叫對方飲「大冰奶（大杯凍奶茶）」有助招桃花，阿信之後就開始Like阿翰啲Posts，又讚對方好幸運，更曾留言「明天請他喝一杯大冰奶」，網民就話此舉證明阿信有?實Jolin舉動，因為阿翰成功氹掂Jolin，自然引起佢注意！

2. 情書主角

3月時阿信喺社交網寫下情書，其中有句係「台北時間九點前，平時的你也許早已起床…」而Jolin經理人曾表示Jolin生活規律，冇工作時晚上12點前就瞓覺，早上9點前就起身，此話同阿信所說嘅不謀而合，咁啱Jolin又畀Like添！

3. 寫歌畀Jolin

Jolin不時公開向阿信「追債」，阿信被發現曾在微博留言：「靈魂暫時不必押韻了。我暫時不怕見到妳了。」當時有網民問：「你的意思是，你的歌詞寫好了？歌債還了？」而阿信就以笑臉回覆，意味深長！

4. 「重要的女孩」

阿信喺愚人節時喺微博話：「圖片少了一位重要的女孩，我看到妳的祝福了，是誰…我就不特別說了。」而公司同事好似都知咁，直接tag咗Jolin！

5. 《偶像練習生》之說

喺一場演唱會後，阿信發文：「大齡偶像練習生，永遠都在練習緊握有妳的每刻時分。」咁橋喺前一個星期，Jolin就上咗內地節目《偶像練習生》，而且阿信講「情話」時經常都用呢個「妳」，相當曖昧。

6.　「秘書老闆」關係

Jolin為五月天演唱會做嘉賓時，穿上毛衣相當密實。之後佢喺社交網留言：「老闆說蔡秘書穿的太多。」阿信就回覆：「穿多穿少都美。」而「秘書老板」其實係韓劇《金秘書為何那樣》主角，最後兩人都有情人終成眷屬，唔通有暗示？

7.　IG心心「調情」

至從8月阿信開咗IG後不時同Jolin「調情」，例如喺對方post留下愛心emoji，Jolin就送番兩個心心。兩人又喺8月31日各自上載自拍照，表情非常相似，咁啱又有紅色，似足情侶互動咁！

以上係部分「證據」，有網民睇完覺得似層層，仲話如果係真嘅話都開心，當然亦有網友唔認同，指兩人關係儼如兄妹，真係信不信由你喇！

on.cc東網