唯一後悔係啲咩？吳彥祖鍾意拍港產片
20181114
東網電視
更多新聞短片
係集體回憶！
近幾年都在外國拍美劇的藝人吳彥祖（Daniel）到江門出席英皇電影《限期破案》開鏡儀式，同場尚有大陸演員王千源及衛詩雅等，英皇集團主席楊受成更親自到場多謝監製韓三平。
Daniel坦言已有兩至三年未有回港，近年主力參演美劇《荒原》，經常在愛爾蘭開工，講到甚麼驅使他再拍華語電影？他說：「我好掛住香港拍攝模式，亞洲電影權力都喺導演身上，但美國拍戲分工好細，大家相處時間唔多，今次返嚟拍戲好開心，我喺香港出身，香港係好特別嘅地方，我好尊重港產片，因為其他地方拍唔到。」講到戲中角色爛撻撻造型流出，他笑言覺得造型好有型，問到拍打戲是否辛苦？他說：「唔及演美劇飾演殺手打得辛苦，電視劇要九日拍一集，日日狂打！」
囡囡讀中文學校
他笑言自己的廣東話有少許退步，反而近期有練習普通話，問到今次有沒有帶同家人回來？他說：「冇呀！因為今年係個女第一年返幼稚園，我幫佢報讀中文學校，想佢識中文，我唯一後悔自己當年唔識中文。」他又指明年中會繼續返外國拍美劇，但香港的生意會繼續運作，稍後在中環亦有新酒吧開業。
同霆鋒想當年好Touching
提到早前參與謝霆鋒的真人騷節目《鋒味》，遠赴希臘拍攝，Daniel表示該集透過他的建築師經驗談及當地建築，並指跟霆鋒已有近四年沒有見面：「大家傾番?仔啲往事，好多回憶，都幾Touching！（有冇喊？）冇喊，但眼濕濕啫！我哋都有講話想拍《特警新人類3》，今年20周年，想預埋馮德倫拍套《特警老人類》！」
----------------------------
東網巨星開咗ig喇，大家快啲follow啦！