洪卓立湯怡分手 好友齊封口
20181114
東網電視
更多新聞短片
洪卓立同湯怡分手後，身邊一眾好友都不願多談。
歌手洪卓立（Ken）和拍拖11年的女友湯怡（Kathy）突然宣布分手，令網民高呼「不再相信愛情」！Ken和Kathy自網上宣布「分」訊後，一直再沒回覆傳媒電話，而Ken一班同期出道的「檸7」歌手及好友們，包括小肥、吳浩康、鍾舒漫、張紋嘉、張惠雅、「生煎包王」蕭潤邦及陳柏宇，對Ken情變表現得不願多談，實行「少講當幫忙」。
陳柏宇：我唔方便回應，望傳媒體諒。
小肥：知道佢哋兩個分手，佢哋兩個人嘅事，可唔可惜唔到我哋啲旁人評論，只可以講，作為朋友會唔想或唔願有呢種情況發生喺阿立身上，但亦唔會追問詳情，11年感情要分開，對於雙方都唔係一件容易嘅決定，呢段時間畀佢哋靜吓。
張惠雅：佢哋嘅事唔方便回應，畀啲空間佢哋，佢哋分手都覺得可惜，但我一樣會繼續祝福佢哋幸福快樂。
蕭潤邦：作為佢哋朋友，佢哋成年人，我會支持佢哋決定，唔會評論啦，最緊要佢哋開心。
張紋嘉：我都係睇佢哋ig先知，希望外界畀啲空間佢哋啦。
吳浩康：佢哋分手，可唔可惜都唔到我哋外人去講，呢個始終係佢哋兩個人嘅事，但佢哋做得呢個決定，我只能尊重同陪伴囉，唔好意思我都唔想講咁多，因為都唔係咩開心事。
鍾舒漫：佢哋兩個都係我好朋友，佢哋都係成年人，佢哋做嘅決定必定有佢哋諗法同原因囉，無論點我都支持佢哋嘅，最緊要佢哋兩個開心就得，我唔太擔心佢哋，大家都畀啲Support佢哋啦。
----------------------------
東網巨星開咗ig喇，大家快啲follow啦！