出騷撐同志　王若琪望爭取香港性別平權

歌手王若琪（Takki）在台灣為歌曲《我的愛沒有錯》拍攝「彩虹MV」，她笑說：「當時聽到要拍MV，我原本好開心、好期待，以為可以演出女女同志親熱戲之類，結果導演周美玲畀咗本兒童書《穿裙子的男孩》我。」Takki指故事關於男孩穿裙子上學卻受到排斥，幸得校長親自穿上裙子力挺：「原來MV講小朋友嘅故事，冇啱我嘅角色，我有啲失望，不過睇到台灣為性別平權努力好感動，希望香港都有呢一日，可以更加共融。」

她坦言開心有機會參與當地18日的大型音樂會：「我唔係台灣人，冇資格喺佢哋24號嘅同性婚姻公投投票，但都想同佢哋講聲加油。」雖然香港未有類似公投，但已有不少藝人及一家大小支持同性戀，她表示：「佢哋都係想爭取少少權利，例如可以為另一半嘅手術簽名，唔係想攞啲咩福利，亦唔係同異性戀爭啲乜，希望香港人慢慢接受呢個訊息。」