吳君如賀父母結婚54周年 吳君祥：真不容易
20181115
東網電視
更多新聞短片
冬叔、冬嫂結婚54周年，女兒吳君如、兒子吳君祥一同祝賀。
藝人吳君如父母夏春秋（冬叔）同太太（冬嫂）尋日慶祝結婚54周年紀念日，阿仔吳君祥喺社交網上載全家福同父母年輕時嘅婚照祝賀，從冬叔同冬嫂當年嘅婚照可見，君如可以話係同媽咪十足餅印，而全家福就見到佢哋一家人笑容滿面，冬嫂仲翹實冬叔隻手，恩愛如昔！
與藝人江美儀結束11年情的吳君祥留言：「今（昨）天是爸媽五十四周年結婚紀念日，能夠白頭偕老真的不容易，大家要珍惜眼前人！P.S.我爸是我媽的第一個男人也是唯一一個，明年是他們的五十五周年翠玉婚，必須攪（搞）一個大型比堅尼沙灘派對。」呢個翠玉婚派對的確令人期待！
----------------------------
東網巨星開咗ig喇，大家快啲follow啦！