鄭嘉穎開家用戶口 陳凱琳開心做管家婆

2018年11月15日 20:06
東網電視
更多新聞短片
陳凱琳負責交屋企雜費。

藝人陳凱琳出席商場聖誕活動,與新鴻基地產執行董事馮秀炎等一同主持開幕,現場她還跟聖誕老人學講「Ho Ho Ho 」。對於老公鄭嘉穎指她是屋企管家,她說:「佢成日話我係管家婆,佢開咗個家用戶口,由我負責交屋企雜費,呢個責任都幾開心,戶口啲錢係有用先用,唔會用嚟亂買嘢。(仲有冇個消費戶口?)自己有做嘢,用番自己錢買嘢,投資我唔識,投資就交番畀佢自己處理。(你啲錢係你,佢嘅錢都係你嘅錢?)好似唔係幾好,唔可以咁。(依家你好富有?)心中富有,唔貪心,老公已經對我好好。」

提到聖誕節,她計劃學做火雞,打算由煮春雞開始試,預計試四次一定成功,她說:「以前個年聖誕都係媽咪做火雞,今次想親自落手下廚。(以前有冇幫過手?)幫手試食算唔算?因為火雞真係要花好多心機,煮到嫩滑要有啲技巧。」她又指與嘉穎一向有共識聖誕不會特別互相送禮物,直言兩人初拍拖時仍會送禮物,但一年後已覺得專登買禮物好浪費,故共識以後任何節日也不會送禮,故好早已甚有老夫老妻感覺。


----------------------------
東網巨星開咗ig喇,大家快啲follow啦!
 https://bit.ly/2JjSVcr